Os Premios Xerais 2011 recoñeceron a Xavier Queipo como gañador na categoría de novela coa obra Extramunde, a Héctor Carré co Premio Fundación Caixa Galicia de Literatura Xuvenil por Febre; e a Anxo Fariña co Premio Merlín de Literatura Infantil por A Chave dá Atlántida.
Deste xeito, o xurado da XXVIII edición do Premio Xerais de Noveladotado con 25.000 euros e ao que concorreron corenta obras valorou a "calidade" da escrita de Queipo en Extramunde, na que destaca "unha arranque espectacular e unha enorme plasticidade", xunto a "un pulso narrativo vibrante, de gran intensidade".
Pola súa banda, o xurado da Vª edición o Premio Fundación Caixa Galicia de Literatura Xuvenil, dotado con 10.000 euros, premiou a obra Febre do director de cine nacido na Coruña Héctor Carré que relata un episodio localizado na localidade de Noia, durante a "febre do volframio" extraído de forma clandestina en plena II Guera Mundial.
Así mesmo, o xurado da XXVI edición Premio Merlín de Literatura Infantil, dotado con 10.000 euros, recoñeceu a obra de ciencia ficción de Anxo Fariña A chave dá Atlántida polo seu "ritmo trepidante" no que se mesturan os mitos dunha civilización antiga coas posibilidades da robótica futurista.
Ao acto literario-musical celebrado o pasado sábado 11 no Auditorio da Illa de San Simón, e presentado por Celia Torres, asistiron máis de 300 asistentes, entre os que se atopaban, entre outros, o director de Xerais, Manuel Bragado, o conselleiro de Cultura e Turismo, Roberto Varela, o alcalde de Redondela, Javier Bas, e o director xeral do Libro, Francisco López Rodríguez.