O bo tempo invita a saír, e as andainas polo monte resultan sempre agradables para a saúde e o necesario "desenchufe". Por iso, a Asociación de Mulleres Rurais San Benito prepara unha percorrida a pé dende a vila de Gondomar ata o Monte Castelo, lindeiro dos municipios de Gondomar e Nigrán. A xuntanza será o vindeiro domingo 29 de xaneiro, ás dez da mañá na praza do Concello. O convite é para todo público e sen inscrición previa.
As organizadoras recomendan concorrer con roupa cómoda e calzado apropiado para o monte. Non esquecer a auga para refrescar e hidratarse, así como chaleco reflectante para os traxectos pola estrada.
O grupo contará cunha guía para acompañarllos na andaina, que remontará Gondomar subindo cara Vilaza ata o monte. As boas vistas panorámicas e o atractivo paisaxístico están asegurados. Se chove, o percorrido suspéndese ata novo aviso.