La Fiesta Escénica estende a súa carpa en Baiona para presentar o seu espectáculo "Galtük, el sueño continúa". A última produción que levará á compañía circense de xira internacional por EEUU, Norte América e Corea. As citas para poder ver este espectáculo son este venres ás 19:30, sábado ás 17 e 19h e domingo ás 17h no parque da Palma de Baiona.
Galtük, nace para ser un espectáculo de homenaxe aos personaxes creados nos 15 anos de vida da compañía. Pero enseguida tomou vida propia... evolucionando até converterse nun show inédito, con figuras da comedia da arte como fío condutor e novos recursos que, combinados cos *antigüos, deron como resultado o nacemento dun lugar imaxinario e fantástico... onde todo é posible".
Galtük é o universo secreto dunha nena namorada do circo, un espazo idílico ao que ela accede -a través dos soños- para vivir mil e unhas aventuras cada noite... ata que alguén malvado leva á súa cebra máxica. A nena emprenderá entón unha viaxe alucinante buscando a súa inseparable amiga...
Un espectáculo de maxia, luz e cor, onde no lugar e no tempo todo pode ocorrer. Os espectáculos deste grupo de artistas brinda tributo aos orixes do circo, aínda que sen animais reais, que cativa a públicos de tódalas idades.
Un espectáculo único que fusiona imaxe e técnica circense, para acadar unha mostra escénica non exenta dunha poética visual. Todo a cargo dos mellores actores de circo a nivel mundial.
Os prezos das entradas para prazas centrais: 15€ infantís e 18€ adultos e para as prazas laterais: 10€ infantís e 12€ adultos
Dim lights Embed Embed this video on your site
