Este sábado, a partir das 8 da tarde o Centro Cultural de Chaín ofrece unha exhibición de música e danzas froito do traballo de todo o ano levado a cabo pola Coral Polifónica, os grupos de baile e gaitas e o grupo de teatro A Moura, todos eles da asociación. Como colofón, a partir das 11 da noite o grupo de cordas Son do Val ofrecerá un espectacular concerto ó aire libre (se chove se trasladará o auditorio do Centro Cultural).
