Voces del Más Acá actuarán en Gondomar este fin de semana.
A agrupación xorde a comezos do ano 2009, no conservatorio profesional de música de Salamanca co obxectivo de participar nun coro dun xeito diferente ao que estaban acostumados.
Con dous ingredientes importantísimos: moita ilusión e moitas ganas de traballar e sendo fieles a súa idea inicial, dende entón e de xeito ininterrumpido, o octeto vocal buscou experimentar novos estilos, novas texturas e rexistros, en definitiva, novas maneiras de interpretar a música.
Como un ser vivo, o octeto foi mudando de traxe e cambiando de cor grazas ao paso de distintos membros pola agrupación. Neste momento, o octeto Voces del Más Acá está preparado para facer rock, pop, jazz, para improvisar e facer rir, para enamorar con doces melodías, para bailar con ritmos latinos... e en calquer caso, para facer da música un arte para todos cun obxectivo moi claro: disfrutar.
A cita este venres 15 ás 23.00h no Catro Camiños de Gondomar.
