Por "motivos de calendario" o Servizo de Deportes da Xunta de Galicia trasladou para o domingo 2 de febreiro a realización do Cross Escolar do Val Miñor que organiza xunto coa Concellaría de Deportes de Baiona. O evento no que participarán alumnos de primaria e membros dos clubs de atletismo da bisbarra, celebrarase no antigo campo de fútbol de Santa Marta. As inscricións seguen abertas nos centros escolares e nas oficinas de Deportes de Baiona.