- As persoas interesadas deberán presentar a súa solicitude de inscrición antes do 18 de marzo
A concellaría de Formación e Emprego do Concello de Gondomar, xunto coa Antena da Cámara de Comercio de Vigo, organiza un curso de operador de carretas elevadoras no que se terán en conta, tanto aspectos teóricos como prácticos do manexo seguro desta maquinaria.
O curso, de carácter gratuíto, dispoñerá de 24 prazas e terá lugar os días 24 (de 09.00 a 14.00 horas), 25 e 26 de marzo (de 09.00 a 14.00 horas e de 16.00 a 21.00 horas) no Centro Neural.
As persoas interesadas deberán cubrir unha solicitude que terán á súa disposición no Centro de Desenvolvemento Local do municipio e presentala antes do 18 de marzo.
