Traballadores e traballadoras da residencia "Tempo Libre de Patos" dependente da Xunta de Galicia, presentarán un escrito acompañado de cinco mil sinaturas, reclamando un mínimo de 9 meses de apertura do centro.
Farano este martes na delegación da Xunta de Galicia en Vigo, e dirixirán a súa petición á Consellaría de Traballo e Benestar Social, así como a Núñez Feijoo.
O colectivo, afirman que a redución a catro meses de apertura da residencia que a Xunta aplicou en 2013, é notoriamente insuficiente para atender a demanda do servizo. Engaden por outra banda, que o recorte afecta gravemente aos traballadores e as súas familias, que sofren a redución do período de emprego.
Cinco mil veciños e comerciantes do Val Miñor acompañan o petitorio a través das súas sinaturas que foron recollidas polos traballadores da residencia.
