Os micros abertos xogan unha mala pasada aos parlamentarios populares e deixa en evidencia o descoñecemento sobre a PNL (proposición non de lei) sobre a que teñen que votar.
O presidente Antonio Mouriño Villar (PP) pregúnta ás compañeiras de mesa, fora de micro, se teñen que estar a favor ou en contra da iniciativa durante a votación da mesma, "A ver estos qué... ¿estamos a favor o encontra?. Claro. En contra no?, No"... "A favor. A favor" e os deputados populares titubean ó alzar a man a favor no momento da votación, imitando os movementos do presidente. "comunicádevos joder" finaliza o presidente.
A comisión de Educación e Cultura do Parlamento Galego do pasado 8 de setembro trataba unha serie de iniciativas que debían pasar a votación. Non sen problemas o presidente da mesa, o popular Antonio Mouriño intenta que os seus compañeiro de partido se acomoden na bancada e entendan que se vai pasar á votación.
Tras rexeitar as protestas da oposición pola chegada tarde de dous deputados populares, comezan a votar o que era unha proposta do PSOE para sinalizar e dar pulo ao Camiño Inglés do Camiño de Santiago. Unanimidade. E xa prontos a pasar ao seguinte punto, un deputado popular, dos que chegou tarde decátase que esa non era a postura que tiñan que ter os populares sobre o tema na súa disciplina de voto.
Un "lapsus calami", así argumenta o portavoz dos deputados do PP solicitando a retificación do voto emitido, para segundos máis tarde na mesma intervención argumentar que non habían votado pese a que nas imaxes queda rexistrada a man alzada dos populares, incluído a do presidente e o reconto de votos.
A proposta finalmente queda rexeitada. A mesma versaba sobre a adopción por parte do goberno galego das medidas necesarias para a delimitación e sinalización do Camiño Inglés, a súa conexión co Camiño do Norte e o impulso, en colaboración coas demais administracións implicadas, dun programa destinado á súa potenciación.
VIDEO
