A Banda municipal de Baiona presentou publicamente o seu primeiro disco coincidindo coa celebración do décimo quinto aniversario da súa fundación. No CD inclúense nove temas inéditos cuxa autoría corresponde ao director da formación musical Gabriel Rodríguez Rodríguez. O Auditorio V Centenario, a rebordar de público, foi o escenario elixido pola agrupación baionesa para dar a coñecer o contido da gravación na que tamén participou o coro de homes Voces Baionesas.
Texto da Xunta de Galicia con motivo do Día das Letras Galegas 2011 e homenaxe a Lois Pereiro.
"Dende que o 17 de maio de 1963, por iniciativa da Real Academia Galega e en conmemoración do centenario da publicación de Cantares Gallegos, naceu o Día das Letras Galegas, a data mereceu a condición inmediata de símbolo da literatura e da lingua do noso país. Coa creación da Autonomía, o compromiso da Xunta de Galicia e a participación activa e conxunta dos galegos contribuíron a que o Día das Letras Galegas se convertera na gran festa do noso país.
Insomnio
Insomnio é unha peza experimental realizada en stop motion por Rubén Domínguez e Eire García. O montaxe e postprodución é de Rubén Domínguez. Interpretado por Santi Zubizarreta, Eire García e Rubén Domínguez. A música de Delia Derbyshire, The United States of America, Sun Ra e John Cage.
Curso de técnicas de inserción laboral para desempregados en Gondomar.
Están abertas as inscricións ao curso "Orienta a túa brúxula: Técnicas de Inserción Laboral", orientado a persoas desempregadas. O curso está coordinado polo Centro de Información ás Mulleres do Concello de Gondomar, é de carácter gratuíto, terá unha duración de 20 horas e buscará proporcionar ferramentas coas que realizar unha pescuda de emprego: curriculum, cartas de presentación, entrevistas, etc. Os interesados deben dirixirse ao CIM Gondomar ata o vindeiro 1 de xuño, o curso comezará o do día 7 do mesmo mes.Gondomar estará presente no festival Pa-ta-ta, a mostra de fotografía emerxente de Granada
O Concello de Gondomar estará presente este ano no Festival Internacional de Fotografía Emerxente de Granada PA-TA-TA cunha recopilación dos mellores traballos presentados á primeira edición dos Encontros de Fotografía Dixital Domingo Pío Quintas Núñez, organizados pola Concellería de Cultura en setembro de 2010. Así, Manikarnika, Hugo Aboal,Miradas de Caracol -Álvaro Sanz-, Miguel Sanjurjo, Carlos Costas e Brunheira –fotógrafos participantes no 2010- terán a oportunidade única de mostrar o seu traballo nun dos certames de fotografía nacional con maior proxección. As fotografías destes autores, moitas relacionadas con Gondomar, proxectaranse na Plaza de la Catedral da capital granadina o vindeiro 1 de xuño.
Quen dixo que non se pode fumar no cine? Ciclo de Cine na praia de Patos.
Cine, area e mar, unha conxunción que se fará posible na praia de Patos nos vindeiros días 15, 16, 20 e 21 de maio de 2011 a partires das 22,30h. O ciclo de Cine presentará títulos nas súas versións orixinais subtituladas. As películas a proxectarse serán Hedwing an teh Angry Inch (John Cameron Mitchell), Una historia verdadera (David Lynch), Hero (Zhang Yimou) e Diaro de Motocicleta (Walter Salles).
Tarde de poesía no Café Rañolas de Gondomar en homenaxe a Lois Pereiro.
O Café Rañolas de Gondomar recibe dende ás 20 horas dese xoves 12 de maio o evento poético Vento Lois. O mesmo e parte dunha homenaxe ao poeta Lois Pereiro organizado pola "seita loisista", co apoio da Asociación de Escritores en Lingua Galega, o Pen Clube de Galicia e a Asociación Galega de Editores. En Gondomar será Espazo Lectura a encargada da organización. Navaza será o encargado de ler o Manifesto loisista e varias persoas lerán textos e poemas de Lois Pereiro, a quen se dedica o Día das Letras Galegas 2011.Dous astronautas aterran en Galicia en “Go On!”, mañá venres na Mostra de Teatro de Maio
“Logo da chegada do home á lúa á humanidade só lle faltaba un reto: a chegada do home a Galicia. No ano 2010 (ano 25 despois de Gayoso), dous intrépidos exploradores tiveron o valor de adentrarse nas descoñecidas terras galaicas a través da ruta xacobea”. Así se presenta “Go On!, o último espectáculo da compañía teatral estradense Malasombra. Escrita por Xosé Luis Prieto e dirixida por Marcos Osi (autores das exitosas “O día do pai” e “Nunca foi tan fácil”) a comedia é un divertido percorrido pola xeografía, refráns, costumes e clixés de Galicia. A obra está protagonizada por Jouse García e Xoque Carbajal.
Libro de Pedra, unha visita virtual á catedral de Santiago.
A web ‘Libro de Pedra’, programada pola Consellería de Cultura e Turismo a través da Secretaría Xeral para o Turismo, recibiu xa un total de 32.000 visitas desde a súa posta en servizo o pasado mes de febreiro. Esta aplicación, aloxada no portal turístico de Turgalicia, ofrece a posibilidade de completar un paseo virtual pola Catedral de Santiago e pola capital de Galicia cun nivel de detalle sen precedentes desde calquera punto do mundo a través de internet.
JPAGE_CURRENT_OF_TOTAL
