A programación da Mostra de Teatro de Outono do concello de Gondomar continúa esta fin de semana coa representación de Kamouraska, a cargo da compañía pontevedresa Inversa Teatro. A obra será o sábado, ás 22.00, no Auditorio Municipal Lois Tobío.
A propósito de Enrique Conde. Unha ducia de construcións en madeira.
Despois de procurar as imaxes convencionais do artista para a reportaxe de prensa, o novo e inexperto fotógrafo dispúxose a facer tomas dalgunha da ducia de pezas que compoñen esta doceava exposición na Aula de Cultura Ponte de Rosas, en Gondomar. Diante da obra de maior tamaño da mostra, tan grande que foi montada in situ coa axuda de torniquetes, o fotógrafo estivo un anaco observándoa e buscando o mellor ángulo. Entón, como froito dunha inspiración repentina, agachouse e fotografou a peza. E Enrique Conde, abraiado, exclamou polo baixiño: Ozu!
Magosto popular en Baiona
Mañá sábado, día 27, a partir das 18:30, celebrarase un magosto popular na Praza do Concello de Baiona. Haberá degustación de castañas e viño. Outro dos alicientes deste acto, aberto á participación veciñal, Javier Urquijo "Os Segredos" ofrecerá un concerto acústico.
O Mago Xacobe protagoniza o segundo espectáculo do Ciclo de Maxia de Gondomar
O mago compostelán Xacobe Sanz actuará este sábado 27 en Gondomar, dentro da II Mostra de Maxia, organizada pola Concellería de Cultura. “Ilusións Máxicas”, o nome do seu espectáculo, combina toda a fantasía da maxia coa frescura da improvisación teatral. Trátase dun espectáculo humorístico de intriga, evasións, adiviñanzas, revelacións e algunha que outra levitación. A interacción co público é un dos puntos fortes da súa proposta. A combinación des distintas vertentes da maxia dá coma resultado un espectáculo ideal para toda a familia.
O Concello de Santiago e Kalandraka convocan o IV Premio Compostela.
O Departamento de Educación do Concello de Santiago e Kalandraka convocan o IV Premio Internacional Compostela para Álbums Ilustrados, cunha dotación económica única de 12.000 euros en concepto de adianto polos dereitos de autor. O prazo de presentación dos traballos rematará o 28 de febreiro de 2011 e o fallo do xurado darase a coñecer o 1 de abril, previo á celebración do Día Internacional do Libro Infantil e Xuvenil, e no marco das actividades da XI Campaña de Animación á Lectura que organizan o Concello de Santiago e Kalandraka.
O Club de Lectura Lendo Contigo recibe a visita do escritor Manuel Janeiro
O sábado 27 de novembro terá lugar a sesión mensual do Club de Lectura Compartida Lendo Contigo, dedicado a nenos e nenas de 8 a 12 anos, e seus pais e nais, e organizado por Espazo Lectura.
Nesta ocasión, o libro do que se vai falar é A abella abesullona, do escritor Manuel Janeiro (Galaxia, 2009).
O autor estará na Biblioteca de Gondomar. A cita é o sábado ás 12.00 horas.
A Concellería de Igualdade proxecta a película “Antonia” en conmemoración do 25 de novembro.
A Concellería de Igualdade do Concello de Gondomar, en conmemoración do Día Internacional para a Eliminación da Violencia de Xénero, proxectará a película “Antonia” de Marleen Gorris, premiada co Oscar á mellor película estranxeira no ano 1996, o día 26 de novembro ás 20.00 horas, na Casa da Cultura. O remate da proxección haberá un coloquio.
A obra do escultor Enrique Conde chega ao Val Miñor.
Gondomar recibe a exposición "Lugares-Territorios. Unha dúcia de construcións en madeira" do artista plástico Enrique Conde. A inauguración será o próximo venres 26 de novembro na sala de exposicións Aula de Cultura Ponte de Rosas, sede do Instituto de Estudos Miñoranos. Ás 20:30 horas abrirá a mostra que contará coa presenza do creador. A presentación estará a cargo de Xosé Manoel González Rivera, deseñador gráfico, doutor en Belas Artes e profesor da Escola de Arte e Superior de Deseño Antonio Failde. Finalizada esta o público compartirá uns petiscos co artista convidado.
Maxia, contos e un agasallo literario para 150 nenos de Nigrán.
JPAGE_CURRENT_OF_TOTAL