JOSÃ? MANUEL PÃ?REZ-BOUZADA - Publicado La Voz de Galicia

NUNCA é justificable a violencia. Menos aínda, se cabe, cando se exerce contra unha representación democrática dos cidadáns. A responsabilidade dos políticos, cuxo deber é defender os lexítimos intereses da maioría dos que goberna, é procurar sempre a prevalencia do beneficio xeral dentro do maior dos consensos. A raíz dos feitos, non parece que isto último sexa o sucedido co urbanismo en Nigrán. Se algo necesita luz e taquígrafos é todo aquilo relativo ao planeamiento urbano, nos últimos tempos baixo permanente sospeita. A recente rebelión popular na, por moitos, denominada Marbella galega, é sen dúbida máis unha suma de frustracións de centos de pequenos propietarios que ven truncadas as súas aspiracións persoais por un plan urbanístico para eles especulativo, que a confabulación política á que se alude desde o goberno municipal.