A inundacións de Sabarís son una tónica nos últimos anos, ainda que todo o mundo os recorda dende sempre. Principalmente os cativos que agora xa teñen 30 anos, todos eles lembran como eran sacados, varias veces ao ano, en volandas do colexio público de Sabaris por mor das inundacións e das fortes crecidas do río.

Por outra banda o estado do alcantarillado denota o estado de abandono que sofre o centro de Sabarís, onde calquer choiva de inverno anega o cruce entre as rúas Jose Pereira e Julián Valverde (altura da farmacia).
So compre alonxarnos da estrada principal para ver o estado das estradas e beirarúas desta parroquia de Baiona.

O incremento da construcción, a canalización de augas pluviais que provocan embotellamentos e impiden o desaloxo das augas con crecidas no río,parecen ser as causas principais que provocan estes feitos.
Asemade, desta útlima vez temos que engadir o estado do monte despoís dos incendios deste verán, que provocou o arrastre de contiosa madeira e barro.

Segundo as noticias tiradas de hemeroteca a ultima limpieza do rio Groba foi en Outubro de 2003.
Despois de tres anos, e sendo conscientes do estado do monte fornte aos incendios, vostede considera que se tomaron as precaucións adecuadas para facer fronte a unha posible catástrofe como ista.

Ainda que iste problema non é alleo a parroquia de Sabarís, Mañufe no concello de Gondomar sofre cada ano as enchentas do río Miñor ao seu paso asolando garaxes e baixos de vivendas.

A construcción da nova piscina municipal nesta zoa amosaba onte un espectáculo sacado duna postal de xardín. Os muros da obra non eran capaces de conter o filtrado de auga que rompía en forma de "chafarís" asolagando o baixo da obra.

Ante as consecuencias a nosa pregunta é. ¿Por que ocorren estas cousas? ¿Que é o que se está a facer mal? ¿Como están os nosos ríos? ¿Pódese seguir construindo de espaldas a todo isto?