A triste realidade é que o urbanismo é, polo xeral (o que non quere dicir que non haxa excepcións) nas vilas pequenas, un negocio para moitos: os políticos, que queren sacar tallada, senón económica si vía "non importa estragar o municipio se os pequenos propietarios están contentos" (o tradicional deixar facer e mirar para outro lado); os pequenos propietarios que pensan que toda leira é un soar, e se saben que non é ásí, loitan por que o sexa; o sector da construcción...
Isto en canto á primeira mensaxe. No que se refire á segunda, para min é positivo que para a elaboración do Plan se conte coas asociacións veciñais (aínda que é obvio que non representan aos veciños e veciñas). Porén, non creo tampouco que sexa a panacea. Conste que descoñezo completamente o seu funcionamento interno e, no caso de Gondomar, ás persoas que ás integran, pero teño as miñas dúbidas de que a súa participación lle vaia a otorgar a Gondomar o premio do Programa Hábitat da ONU. Que a súa voz debe ser escoitada é indubidable, pero tamén é interesante que se conte con todos os axentes sociais. Debería participar ademais na redacción e elaboración do novo PXOM de Gondomar (e de todos os concellos do Val Miñor), o Instituto de Estudos Miñoranos, o Clube Mauxo, o movemento ecoloxista, as asociacións de mocidade...Falo dende a ignorancia, que quizáis si foron convidados, que me corrixa alguén se estou errada.