Son asinante en contra do proxecto eólico na Serra da Groba.  
Son veciño do Val Miñor e teño claro o Val Miñor que quero. 
Son ensinante. 
Son cidadán creo que coas ideas fundadas no mundo que desexo. 
Non son comuneiro de ningunha comunidade de montes, nin das que comezan plantar castiñeiros e carballos, nin das que invisten en bonos do estado e expulsan comuneiros, nin das que limpan muíños e cortan eucaliptos, nin das que o presidente ten mais de 60.000€ para asuntos propios. Tampouco son comuneiro dos que permiten canteiras ileagais e recheos ilegais e casas de montes que parecen chalets de mafiosos. 
A pesar de todo si sei que podo opinar sobre a política do estado, as megalomanías dalgúns, as intromisións políticas da igrexa católica ou da sobrecaza de especies autóctonas. E tamén vou opinar e abandeirarme e poñer a camiseta de SOS GROBA que lle merquei en Baiona e é ridículo que unha mancomunidade de montes diga que ninguén pode opinar sobre o que eles fagan. Apañados están. Ou organizarse socialmente. E que chovan millóns de subvencións (PRODER, LEADER, AGADER, SEAGA, ...) para os seus montes. Os seus montes ou os nosos montes? Apagaron eles o lume? Ou apagámolo todos cos cartos de todos? 
Montes en man común. Si, pero.