O balance de ingresos e gastos sitúase neste exercicio en 8.600.000 euros e contan cuns investimentos reais de 769.694 euros. As contas deste ano aumentan en 1,4 millóns de euros respecto ao ano pasado, a pesar da suspensión de licenzas urbanísticas pola tramitación do Plan Xeral, aínda que está prevista a petición dun crédito de 350.000 euros para afrontar investimentos.  O PSOE de Baiona denuncia que o goberno local só lle deixou dous días de marxe para o estudo do novo orzamento.

Juan Álvarez, un dos afectados pola pechadura de postos no mercado medieval da Arribada, recoñecía onte cometer algúns "fallos", pero recordou que "o deber do concello era habermo advertido antes de desmantelarlo todo". Asegurou que o domingo chegou coa comida que previra para ese día ao lugar asignado polo concello e que "de vez vinme con todo desmontado". "Suponse que, segundo o reglamento, debían habernos amonestado tres veces antes de proceder á pechadura, pero non foi así", afirmou, "fixérono de noite e sen avisar".