Comerciantes da praza de abastos de Baiona impediron onte que operarios da escola obradoiro pechasen o acceso que utilizan para a carga e descarga de mercancías. As obras consistían en dotar dunha entrada adecuada ao soto que se está reformando na actualidade para crear aulas de formación e sedes de asociacións.
O centro Cultural Municipal de Medialdea Belesar, repetirá a experiencia da charla do pasado sábado en Baiña sobre a incidencia do novo Plan Xeral na parroquia. O interese dos veciños por coñecer a nova situación urbanística que lles afectará directamente precisa dunha explicación dos termos que regulan os planos de ordenación.
O sindicato Comisións Obreiras (CC OO) informou onte de que os delegados do comité de persoal do Concello de Baiona suscitaron unha demanda de conflito colectivo ante o Xulgado do Social de Vigo coa que pretenden que o concello deixe de aplicar os cambios que, "de forma unilateral", aplicou o concello ao horario e a xornada laboral dos traballadores do servizo municipal de limpeza.
A Oficina de Atención ao Consumidor do Concello de Baiona informa que, en relación coa desaparición da tarifa nocturna e as novas posibilidades de contratación, poden consultar o folleto elaborado polo Instituto Enerxético de Galicia (INEGA), dependente da Consellería de Innovación e Industria, a través da súa páxina web premendo no seguinte enlace
Concello de Baiona realizou a presentación oficial da Festa da Arribada 2008, en Fitur, no stand que a Diputación de Pontevedra e Turismo Rías Baixas, dispuxeron novamente para esta ocasión, tralo éxito obtido na edición anterior.