Os responsables do goberno e do equipo redactor presentarán hoxe o documento nun acto público. O proxecto de Plan Xeral declara como rústico especialmente protexido o 77 por cento do territorio local. Baiona non se parecerá a Torremolinos no futuro. O novo Plan Xeral foxe do exceso de edificación e protexe o 77,4 por cento do territorio. Aínda así, a próxima ordenación suporá unha nova revolución inmobiliaria nun das vilas con maiores perspectivas de crecemento de toda Galicia

O equipo redactor entregou onte no Consistorio o documento do futuro Plan Xeral para que a corporación proceda á súa aprobación inicial. As autoridades locais remitirano á consellería de Política Territorial para que emita un un informe preceptivo. O documento motivará varias reunións a próxima semana. O luns reunirase a comisión de seguimento para analizalo e o martes ás oito da tarde haberá unha presentación pública no auditorio.