Despois das declaracións do presidente da Mancomunidade de Montes do Val Miñor publicadas no Faro de Vigo, SOS A Serra da Groba manifesta seguir con máis ánimo e vontade a súa labor informativa. SOS Groba manifestou non compartir as verbas de Latino Rodríguez, presidente da Mancomunidade de Montes do Val Miñor, asegurando que alguns mesmos da propia asociación son comuneiros do Val Miñor e afirman non ter coñecemento da asamblea na que a mancomunidade respaldou a desición das comunidades de montes afectadas polos muiños de vento.

A asociación pola defensa medioambiental da Serra da Groba reuniuse o sábado 3 de novembro cos veciños e veciñas de Barrantes no pavillón de deportes. A comunidade de montes desta parroquia tomiñesa opúxose á instalación dos aeroxeradores dende que se fixo público o proxecto de Eurovento presentando varias alegacións.