O concerto deste Venres 7 de Dic. ten un caracter especial para todos os que valoran a música étnica ou de raiz, pois gozaremos da voz e percusión da polifacética artista Arxentina Natalia Carossi, "Keresu", con Música Tradicional da cultura indíxena Guarani, acompañada polo guitarrista de Folk Galego Xavier Mugardos.
O venres 30 de novembro ás 20:30 horas no Auditorio Municipal “Lois Tobío” de Gondomar terá lugar a conferencia anual Diego Sarmiento de Acuña, Conde de Gondomar. O hispanista Henry Kamen será quen pronuncie a conferencia nesta terceira edición da mesma. O profesor KAMEN será presentado polo Catedrático de Historia Moderna da Universidade de Santiago de Compostela e membro da Sección de Patrimonio Histórico do Consello da Cultura Galega, Pegerto Saavedra.
O Profesor Catedrático do Departamento de Historia da facultade de Ciencias Sociais e Humanas da Universidade Nova de Lisboa e Deputado na Asemblea da República Portuguesa Fernando J. Mendes Rosas está o próximo sábado en Baiona, como relator da conferencia sobre "Franquismo e salazarismo: unha perspectiva comparada", organizada polo Instituto de Estudos Miñoranos.
Este sábado 10 de novembro, a Mostra de Teatro de Gondomar continúa coa participacion da compañía Nut Teatro, que porá en escea a obra "Corpos disidentes".