| o 09-11-2006
|
Visitas : 327 |
 O próximo venres 10 de novembro terá lugar a II CONFERENCIA ANUAL “DON DIEGO SARMIENTO DE ACUÑA” para conmemorar o 400 aniversario do falecemento (2 de outubro de 1626) do Iº Conde de Gondomar. Esta conferencia anual organizada polo Instituto de Estudos Miñoranos e a Concellería de Cultura de Gondomar terá lugar na Casa de Cultura da vila do Conde ás 20:30h. Este ano pronunciará a conferencia o catedrático de Historia Moderna da Universidade de Santiago de Compostela PEGERTO SAAVEDRA FERNÁNDEZ quen desenvolverá o tema de “O Reino de Galicia en tempos do Conde de Gondomar”.
O profesor Pegerto Saavedra Fernández naceu en 1951 e estivo sempre unido á Facultade de Historia compostelá. Hoxe está considerado como un dos máis destacados especialistas de Historia Moderna Española. Ademais dos seus libros máis coñecidos A Galicia do Antigo Réxime. Economía e sociedade (1992) e A vida cotiá en Galicia de 1500 a 1850 (1992), polo que recibiu o Premio da Crítica Galega de ensaio nese ano, publicou multitude de artigos en diversas revistas especializadas e en diversas obras colectivas. O noso convidado será presentado polo profesor e coordinador destas conferencias anuais Manuel Luís Caldas Fernández
|
|
|
 |
|
|
|
|
|