A asociación considera as variacións "unha burla" por parte de Deputación e o Concello de Nigrán
Segundo afirmou o portavoz da asociación ecoloxista, José Reigosa, os cambios efectuados no proxecto de construción dun vial en Monteferro só suprimiu a rotonda e o carril bici.
Alegan que na zona alta do monte nada cambiou, manténdose o ancho do vial, que na zona do monumento chegaría a ter 15 metros, aparte dos 25 metros que supón a praza para os autobuses e dos 70 metros de longo da construción do muro de contención que requiren as anchuras previstas no proxecto.
Trala visita da delegación da Consellería de Medio Rural a Monteferro para revisar a modificación efectuada pola Diputación e polo Concello de Nigrán no proxecto de construción do vial de acceso ao monte, a asociación Salvemos Monteferro afirmou que as diferenzas entre ambos proxectos son irrisorias. "Só desapareceu o carril bici na subida e a rotonda no cruce"
Os seus responsables recordaron ao Alcalde Alfredo Rodríguez e a Rafael Louzán que presentaron case 10.000 firmas no concello e na Diputación en contra do proxecto inicial, considerando a modificación "unha burla á cidadanía, xa que este plan é prácticamente igual ao anterior".
Neste sentido, José Reigosa rexeitou o intento das administracións de renovar a construción, alegando, entre outras cousas, que é contradictorio a las "normas subsidiarias do propio Concello", xa que "o proxecto dará un aspecto urbanizado ao espazo natural".
Así mesmo, recalcou que o proxecto tambien prevé a construción de 150 prazas de aparcamiento para coches e tres de autobuses, "A única explicación que se aportou para tal aberración é a falta de prazas o día que se celebra alí unha sardiñada, unha vez ao ano". A construción do vial xa ten orzamento asignado, aínda que a asociación loitará para que este non saia adiante.
Reigosa manifestou que "segue figurando no proxecto o asfaltado da pista forestal de baixada, incluído un carril para aparcar 125 vehículos ao longo do trazado", criticou. Na ordenanza número 17 das normas subsidiarias do Concello, figura a prohibición expresa do asfaltado de novos camiños, ademais de "evitar a invasión de automóbiles das zonas naturalmente asequibles".
O ecosistema de Monteferro sufrirá un duro golpe se se levan a cabo as obras.
Ademais de producir madeira, as árbores protexen a natureza da erosión hídrica, aparte de evitar a contaminación atmosférica, xa que absorben os compostos químicos xerados polas actividades humanas.
www.salvemosmonteferro.org
