Escoitar
este artigo

Continúan este ano un tipo especial de xeiras, que teñen lugar a partir das 23,30 horas da noite.
Trátase de visitas nocturnas a petroglifos de Val Miñor de especial valor e interese, que serán observados con luz artificial rasante que permite unha nova visión, máis completa dos grandes paneis que se propoñen.
A anterior visita tivo lugar aos petroglifos de Outeiro dos Lameiros, en Sabarís (Baiona), cunha asistencia de máis de 200 persoas.
Nesta ocasión visitaremos os petroglifos de Auga da Laxe, en Vincios. O punto de encontro para a saída será na a Casa do Concello de Gondomar, as 23,30 horas da noite do martes 31 de xullo. Coma na anterior ocasión solicítase aos participantes que leven linternas da máxima potencia posible que serán precisas durante o percorrido dado o escaso da iluminación natural –a pesar das condicións de lúa chea. Serán os nosos guías nesta ocasión Xosé Lois Vilar e Eduardo Méndez.

---

Compartir esta noticia: