Valminor.info - O Portal do Val Miñor - Salvemos Monteferro pide que non se execute o proxecto do parque eólico da Serra da Groba

Portada

Especiais

Parque Eólico na Groba

Salvemos Monteferro pide que non se execute o proxecto do parque eólico da Serra da Groba

(3 votos)

Escrito por Redaccion, o 12-09-2007

Escoitar
este artigo

Cabalos salvaxes na Groba

A asociación de defensa ambiental Salvemos Monteferro presentou ante o conselleiro de Innovación, Fernando Blanco, unha serie de alegacións contra o parque eólico 'Albariño I ', situado na pontevedresa Serra da Groba, polas "graves" consecuencias que leva, e esixen que o proxecto non se execute. A plataforma Salvemos Monteferro insistiu en que a construción do parque eólico , que ocupa os municipios de Oia, Baiona, Gondomar e Tomiño, "vulnera" a lexislación vixente de protección da biodiversidade, e afecta a ámbitos de protección especial de diferentes especies.

Así mesmo, os ecoloxistas defenden que a implantación das muíños nunha zona afectada de modo "catastrófico" polos incendios de 2006, contradi a Lei de Montes, que estipula para este caso un período de 30 anos para a rexeneración da cuberta vexetal, polo que solicitan que se retire o proxecto polo menos ata o 2036.

Ademais, segundo afirma a organización, a zona afectada goza dunha "gran riqueza arqueolóxica", con variedade de mámoas, petroglifos e muíños rupestres de "altísimo" valor arqueolóxico; que se vería "gravemente" afectada polas actuacións proxectadas.

Tamén o patrimonio xeolóxico quedaría "negativamente" afectado polas obras, xa que no territorio construído atópase unha cova granítica de fisura, "única en Galiza", e cuxo interese xeolóxico só se pode comparar co Pico Sacro, apuntou Salvemos Monteferro.

Igualmente, a organización considera que a cabana de cabalo galego sufrirá as consecuencias destas obras, así como a riqueza etnográfica da zona. Para rematar, criticou a "desmesura" dos terreos afectados e o grave impacto paisaxístico que o parque eólico suporá.

Compartir esta noticia: