Valminor.info - O Portal do Val Miñor - Un milleiro de sinaturas e medio cento de excursionistas, contra o parque eólico

Portada

Especiais

Parque Eólico na Groba

Un milleiro de sinaturas e medio cento de excursionistas, contra o parque eólico

(0 votos)

Escrito por Faro de Vigo, o 09-10-2007

Escoitar
este artigo

A plataforma SOS Serra da Groba acadou esta fin de semana un milleiro de sinaturas contra o parque eólico Albariño I previsto nos montes dos municipios de Baiona, Oia e Tomiño. A agrupación recolleu firmas ó longo das xornadas do sábado e do domingo no paseo Ribeira e organizou un roteiro polo entorno afectado pola instalación dos 21 muíños de vento no que participaron medio cento de persoas.

Os "excursionistas" contra o parque eólico xuntáronse en Sabarís ás once da mañá e pasaron o día en distintos lugares da Serra da Groba, onde os directivos da plataforma lles explicaron a importancia ecolóxica e patrimonial do entorno. Os participantes coñeceron por parte dos dirixentes do colectivo as consecuencias que os muíños poden producir sobre a vexetación, a fauna -máis de 2.500 cabalos galegos, entre outras especies-. os xacementos arqueolóxicos e, por suposto, a paisaxe.

SOS Serra da Groba manterá as súas reivindicacións con novas recollidas de firmas, reunións con diversos representantes políticos, e difusión de información respecto á riqueza dos montes do entorno e das afeccións dos parques eólicos.

Compartir esta noticia: