Escoitar
este artigo

O PSOE de Nigrán posicionouse en contra da instalación do parque eólico "Albariño I" depois de varias reunións informativas.
Considera que a pesar de que este proxecto non abarca os limites propios do seu concello, " creemos que vai a afectar negativamente de forma indirecta a todo o Val Miñor." No PSOE de Nigrán consideran a problemática medioambiental conxuntamente có crecemento sostible e respetuoso coa riqueza natural e patrimonial do enclave miñorán, como unha das grandes preocupacións do noso tempo motivo polo cal foi un dos eixes troncais do seu programa nas pasadas eleccións municipais.

Manifestan que apoiarán calquera das iniciativas que se encaminen á mellora e á conservación do medio ambente, como son as enerxías limpas e renovables, pero no caso concreto da instalación do parque eólico na Serra da Groba "consideramos que o que se consegue é precisamente o efecto contrario."

Os socialistas consideran que a Groba non é o lugar máis axeitado dado o negativo impacto que se producirá na zona por tratarse dun dos paraxes con maior patrimonio natural e arqueolóxico da nosa comunidade. Xustamente valores que deben preservarse e porse en valor como principais reclamos e atractivos do Val Miñor.

O PSOE de Nigrán considera que o esforzo de todas e todos debe ir encamiñado á recuperación e recoñecemento do  patrimonio natural, cultural e etnógrafico, non só da Serra da Groba se non de todo o Val Miñor. Por todo isto o PSOE de Nigrán manifestou o seu apoio ás enerxías renovables e limpas, "pero nunca hipotecando a riqueza patrimonial, natural, etnográfica e paisaxística dos nosos montes."

---

Compartir esta noticia: