Continúan as obras de explanación en Porto do Molle
As AAVV de Nigrán, o colectivo Salvemos Monteferro e a Comisión de afectados de Porto do Molle, solicitaron onte por escrito ao concello
que se condicione a aprobación do Proxecto de Urbanización do Polígono Empresarial Terciario de Porto do Molle ao estricto cumprimento da legalidade e os problemas atopados para garantir o desenvolvemento sostible desta actuación.
As asociacións (Priegue, Chandebrito, Panxón, Monteferro, Ramallosa, Camos, Parada, Nigrán, Coelctivo afectados e Salvemos Monteferro) denuncian que despois
despois de transcorridos case seis meses dende a aprobación inicial do Proxecto de Urbanización do Polígono Empresarial-Terciario- SAU 9 de Porto do Molle, e despois de teren presentadas as alegacións ao mesmo en prazo e forma, non recibiron a día de hoxe contestación algunha, nin por parte de Zona Franca nin por parte da Administración Local. Segundo argumentan durante todo este tempo, a execución das obras continúan adiante sen saber se finalmente o Proxecto de Urbanización será ou non aprobado polo Concello. As asociacións consideran irrenunciables algunhas cuestións que condicionan a aprobación definitiva do Proxecto de Urbanización de Porto do Molle.
A máximas preocupacións das asociaciósn veciñais céntranse en garantir as conexións viairas de comunicación con Porto do Molle para non colapsar a deficiente rede viaria actual, avaliar e garantir os efectos dos asulagamentos nas áreas exteriores ao polígono empresarial, correxir os taludes de terra entre outros.
As asociacións de veciños advirten que estas cuestións son irrenunciables para a aprobación do Proxecto de urbanización, a máis de informar unha mala xestión desta actuación acarrexaría problemas para o desenvolvemento do futuro PXOM e condicionaría o futuro de Nigrán.
Zona Franca négase a acometer as modificacións.
A reunión mantida onte polos concelleiros de medioambiente, urbanismo e polo propio alcalde de Nigrán Efrén Juanes con técnicos de ambas institucións non chegou a bó porto.
Zona Franca reafirma os seus pronósticos de asulagamento ainda que no informe das AVV, redactado por unha empresa externa, atopou graves deficiencias nos cálculos que Zona Franca non soubo responder onte diante dos técnicos e do equipo de goberno.
Os técnicos do concello reprocharon a Zona Franca que a documentación presentada ante concello era "incomprensible e confusa" ao que Zona Franca eludiu responsabilidade algunha.
A concellaría de Medioa Ambiente que dirixe o edil Juan Hermida considera irrenunciables os puntos solicitados a Zona Franca, puntos que coinciden coas peticións feitas polas asociacións de veciños.
Juan Hermida considera que Zona Franca debe garantir con argumentos demostrables que a súa actuación en Porto do Molle non acuciará graves asulagamentos ou desfeitas na desembocadura do río Muiños, dada a nula capacidade deste río para absover as augas pluviais recollidas dun polígono de 1 millón de metros cadrados como é Porto do Molle.
Asulagamentos
Os veciños non poden confiar nos criterios máis pesimistas de asulagamento do informe de Zona Franca dado que están calculados fai máis de 10 anos e o cambio climático é unha realidade palpable na actualidade nacional.
Os asulagamento en Valencia, Alacante, ou mesmo en Sabarís e Oia o pasado ano demostran que os estudos técnicos quédanse curtos ante os aguaceiros que os expertos aseguran son menos frecuentes pero con moita máis carga de auga. Unha predicción que parece ser consecuencia do inminente cambio climático ao que estamos asistindo, onde toda predicción climática de fai 10 anos parecen estar desfasadas.
Canais 
Porto do molle
Escrito por: Jose Rodríguez Rodríguez (Invitado) o 23-10-2007