A pesares da choiva da mañá, preto de medio centenar de persoas animáronse o pasado sábado a percorrer uns 8 km na Serra da Groba. Durante o percorrido, semellante ao roteiro nocturno do 28 de setembro que inauguraba as actividades de SOS A Serra da Groba, os participantes puideron coñecer en primeira persoa o emprazamento dos aeroxeradores do parque Albariño I e decatarse do seu impacto ambiental, arqueolóxico e paisaxístico.

SOS A Serra da Groba, respondendo á chamada da sociedade, volve saír informar fóra das comarcas afectadas polo parque eólico Albariño I. Desta vez, a cita será o sábado 8 de decembro ás 20.00 horas  en Ponteareas.