O goberno de Gondomar volve intentalo e no pleno de mañá venres presentará de novo a proposta para a aprobación do convenio para a xestión da galescola compartida coa Xunta de Galicia e esta vez espera contar co apoio do PSOE. O acordo plenario é crucial para que o centro infantil poida abrir a comezos do próximo ano dado que, en caso contrario, o Concello non podería afrontar os gastos de persoal nin a compra do mobiliario interior. Medio centenar de familias con dificultades para conciliar a vida laboral e a persoal dependen da decisión política que se adopte mañá.