Quizais entrar a debatir en primeiro lugar o sentido da pregunta de Nande sexa unha loucura (por darlle voltas a algo susceptible de interpretacións varias), pero alá vou. Eu entendín (e coido que o técnico tamén o entendeu así) que o que se preguntaba era se a dinámica de traballo (reunións, debates, consideracións...) da Axenda 21 íase realizar por parroquias (Nande non o dixo con esas palabras, pero coido que iso era o que preguntaba). O técnico respostou que non, que Nigrán era un municipio e polo tanto tratábase de traballar conxuntamente, de forma global, sendo polo tanto todas as reunións nun só lugar do Concello.  
 
En segundo lugar, sobre o debate da pertinencia de considerar as parroquias á hora de realizar a Axenda 21, coido que ninguén dubida da importancia da parroquia na configuración territorial do país, pero pretender telas en conta indivualizadamente neste caso non me parece axeitado. Os esforzos humanos e económicos que implicaría realizar reunións en cada unha das parroquias, que poden chegar a ser contraditorias entre si, non compensan e non serían efectivos. Suponse que o obxectivo da Axenda 21 é elaborar un marco socioeconómico e medio ambiental que permita avaliar as necesidades do municipio de cara a elaborar o PXOM. E ditas necesidades débense predicar do Concello en conxunto, non de unidades singulares do mesmo, como son as parroquias.  
 
Con todo, imaxino que a Axenda 21 terá en conta as parroquias, pero a outro nivel (é dicir, non realizando reunións por parroquias). Supoño que analizará a situación do municipio en conxunto, pero que tamén incluirá unha análise por parroquia (ou polo menos así o fixo unha Axenda 21 dun Concello galego que tiven a oportunidade de estudar mentres se estaba a elaborar).  
 
Na miña opinión, está claro que a análise por parroquias é necesaria para coñecer os déficits de cada unha delas, así como o que poden ofrecer. Non embargantes, hai necesidades que se deben considerar imprescindibles para todo o municipio. No caso da Axenda 21, a necesidade de protexer un concreto espazo natural, por exemplo, é algo que deben decidir todas as veciñas e veciños do municipio, non só os da parroquia na que se ubique ese espazo.  
 
Tanta efusividade parroquial, dende o punto de vista da elaboración de documentos que incidan no territorio (como unha Axenda 21, un PXOM, un plan comarcal ou supramunicipal...) mete un pouco de medo, porque parece levar a un individualismo desaforado, que non ten en conta ao veciño ou veciño por se atopar nunha parroquia distinta. Obviamente os/as habitantes dunha parroquia son os que mellor van a poder opinar sobre os seus problemas e vantaxes, pero de aí a adoptar as súas propias decisións sen ter en conta á parroquia do lado, asusta. Se eu fose de Camos, coido que podería opinar perfectamente sobre as necesidades de Panxón, por exemplo, por coñecelas en profundidade ao pasar moito tempo nesa parroquia. ¿Tería que ir as reunións de todas as parroquias para opinar sobre todas, ou non me estaría permitido por ser residente noutra? As dúas cousas son auténticas tolerías. 
 
De todos os xeitos, aínda que a participación cidadá directa sexa só municipal, supoño que nada impedirá que os veciños e as veciñas se reúnan nas asociacións das súas parroquias, pola súa conta (é dicir, fóra do programa marcado polos redactores da Axenda 21) para debatir os temas que vaian xurdindo sobre aquela. 
 
En conclusión, na miña opinión todo ten a súa escala. Hai necesidades (de infraestruturas, industriais, de comunicación, residenciais...) que se deben pensar a nivel nacional, outras a nivel comarcal, local ou parroquial. Porén, coido que hai que pensar quen vai ser o usuario ou usuaria do que se vaia facer, para así atopar o nivel no que hai que actuar. E en moitas ocasións (especialmente no Val Miñor) pénsanse en clave local iniciativas que deberían ser da bisbarra en conxunto (e non o digo pola Axenda 21).

En ecoloxía, esa ciencia que pretende dar explicación de algo tan complicado como é o funcionamento global dos sistemas vivos, defínese o biotopo como o espacio no que habita unha especie. Ese biotopo resume a variedade de condicións ambientais para que unha determinada especie poida desenvolverse de xeito óptimo. Sen embargo, o ecosistema, definido como un sistema dinámico, ven definido polo conxunto de especies e condicións fisicas que o conforman. 
¿A qué ben todo isto? 
 
Veredes os humanos somo unha especie máis deste planeta, e como tal para nós é moi importante o noso biotopo, aquel espacio no que nos desevolvemos de xeito óptimo, ainda que pertencemos a un ecosistema que nos relaciona coas demáis poboacións de seres vivos (outros humanos tamén, por suposto) e demáis condicións ambientais dese ecosistema. 
 
As parroquias naceron como unha consecuencia dun xeito de vivir e aproveitar o recurso territorial ó noso alcance. As escasas necesidades de movilidade debido á proximidade dos recursos, fixo que o biotopo quedase circunscrito espacialmente ó noso entorno máis próximo, creando as parroquias. Co paso do tempo, o esgotamento dos recursos no entorno máis próximo e os cambios de estilo de vida, fixeron necesario incrementar o espacio no que nos desenvolvemos. As parroquias son a herencia dun estilo de vida anacrónico e residual. ¿quere dicir isto que carecen de importancia? NON, nin moito menos, como tampouco carecen de importancia as nosas costelas flotantes, ou o apéndice intestinal, estructuras prescindibles que herdamos do noso pasado evolutivo, pero que contribúen a explicar a nosa orixe co que iso signnifica. 
 
A Axenda 21 local como unha estratexia de reflexión colectiva e como unha vía de concretar unha estratexia para o desenvolvemento sostible, non se pode focalizar só nas parroquias, en modo algún, pero tampouco só a nivel municipal. 
 
E pensaredes ¿por qué vos falei do ecosistema?, pois porque no noso desenvolvemento non podemos esquecernos dos demáis seres do noso entorno (humanos e non humanos) nin do resto de condicións ambientais, que a fin de contas constitúen un todo no que estamos inmersos e non podemos esquecer. 
 
Hai polo tanto varias dimensións nas que traballar, a nivel individual, doméstico, comunitario, parroquial, municipal, etc, etc. A clave está en acadar unha estratexia global de desenvolvemento sostible porque ó fin e ó cabo é a Biosfera a que estamos degradando.

É un debate interesante iste dos modelos de territorio. Parroquias, comarcas, ...cando tenedemos a unha globalización e a unión territorial, xorden dúbidas na desmantelación das entidades como son as parroquias, que antigamente cumprían a función de trasladar a información dende o concello dado o problema de infraestructuras e comunicación propio da época. Hoxe ten sentido iste tipo de de agrupación territorial? 
Sería interesante abrir este debate nos foros.

Eu estiven na presentación e lembro esa intervención do presidente da AVV de Parada. Pero eu entendínlle outra cousa distinta. Eu entendinlle a Nande que preguntaba "se isto da Axenda21, se ían facer as axendas nas parroquias" que é en distinto de si a axenda21 vai a ter en conta ás parroquias. Eu coido que a pregunta de Nande non estivo ben clara co cal a contestación evidentemente non puido ser acertada. Pero segundo escoitei a axenda21 ten en conta as particularidades de poboación, idade, estudos, nivel adquisitivo, servizos,... se entra a ese nivel de detalle non pode ser doutro xeito que teña en consideración ás parroquias e localizacións da poboación. O que pasa que o técnico contestoulle tal cual interpretei eu mesmo a pregunta. "Vaise facer axendas21 por parroquias?" E o técnico, dubidando respondeulle que só se ía facer unha axenda21 que era a de Nigrán. lóxico. Outra cousa é ter en conta dentro desa axenda ás parroquias, algo que eu non dubidei en ningún momento.