O Concello de Nigrán podería verse obrigado a demoler a vivenda dunha familia humilde da parroquia de Camos se o empresario que interpuxo a denuncia esixe o cumprimento dunha sentenza irrevogable do TSXG. Aínda por riba, o home que podería arruinarlles a vida é un suposto infractor urbanístico a quen investiga a fiscalía por montar un serradoiro de madeira sen licenza nun espazo protexido que lles fai a vida imposible.