A sesión de onte en Baiona foi suculenta en frases para escribir no anecdotario. Especialmente inspirado estaba o portavoz de Coalición Miñorana, Manuel Vilar. O home que ten a chave do goberno baionés é tamén quen posúe a última palabra ao pechar sempre todas as quendas de intervencións. E o veterano político non a desaproveita para facer comentarios que quedarán gravados para a posteridade nas actas.