Escoitar
este artigo

No Parador, terá lugar un foro de análise do turismo nas Rías Baixas. Como non podía ser doutra forma, tiña que ser en Baiona. Estamos recoñecidos como a capital turística das Rías Baixas, a pesares de que Sanxenxo nos ten gañado pola mán cun turismo máis agresivo co entorno e copiando o modelo mediterráneo. Non podemos deixar en mans de catro supostos expertos do turismo o futuro do noso concello e semella que hai quen é consciente do feito e non permitirá que o modelo mediterráneo se exporte a Baiona. No PXOM se contempla unha área deportiva de 700.000 metros cuadrados nunha zona realmente apartada do noso casco urbano e limítrofe con Oia. Actualmente un semi-deserto, se non foran polos miles de cabalos e vacas que pacen alí. A primeira idea que nos vén é a do xa famoso campo de golf, tema do que xa tivemos falado aquí. Pero tal e como se reflexa no PXOM cabe a posibilidade de que os políticos do momento collan sentido e lle dean un destino máis acorde co entorno da ubicación. Pode incluso que esteamos cegados pola ira e o obxectivo real desa parcela non sexa o campo de golf, a pesares das enormes ganas que ten Manolo Vilar de ter dous, un público e outro privado. Non profundizaremos máis nesta polémica, proque xa o fixemos na anotación do pasado 18 de decembro, titulado Primeiras Pinceladas.

Namentres, en Vigo os propietarios dos concesionarios de automóviles reclaman 600.000 metros cuadrados para a Cidade do Automóbil. ¿Qué proposta xerará máis postos de traballo, atraerá a máis xente e xerará máis emprego indirecto? Haberá opinións encontradas, por suposto, pero o feito é que realmente é un debate que non se pode descartar porque sí.
Neste foro participarán representantes das Cámaras de Comercio, esa figura que aínda pervive desde o franquismo e que non damos rematado dunha vez. Todo aquel que ten unha iniciativa empresarial sabe que terá que acabar acatando o imposto revolucionario da Cámara de Comercio, a pesares de non recibir máis contraprestación real que a oferta de algún cursiño e a suposta representación ante foros como o de hoxe. ¿Cómo poden falar en nome dos empresarios se logo non contan con eles? ¿Cántas convocatorias recibe o propietario dun bar para asustir a xuntas xerais da súa Cámara de Comercio? Sociedades arcaicas coma éstas desvirtúan o tecido empresarial. Agora mesmo as asociacións de comerciantes e as patronais son as verdadeiras representantes do empresario, logo, ¿porqué siguen existindo as Cámaras de Comercio?

Máis en baionaconsciente.blogaliza.org  

---

Compartir esta noticia: