Cristina Narbona, Ministra de Medio Ambiente, Pedro Castro, Presindente de la FEMP y Juan Hermida, Concejal de Medio Ambiente del Ayuntamiento de Nigrán en la ceremonia de entrega de premios.
O Concello de Nigrán foi premiado no "I Concurso de proyectos para el incremento de la biodiversidad". A mención especial que mereceu o proxecto presentado, foi recollida polo concelleiro de Medio Ambiente, Juan Hermida, na cerimonia de entrega de premios que tivo lugar no museo Thyssen-Bornemisza de Madrid o luns 25 de febreiro que estivo presidida pola Ministra de Medio Ambiente, Cristina Narbona, e o Presidente da FEMP, Pedro Castro. Un total de 86 proxectos de toda España concurrieron a esta primeira convocatoria da fundación Biodiversidade e soamente 15 deles mereceron o recoñecemento do xurado.
A Federación Española de Municipios e Provincias (FEMP) e o Ministerio de Medio Ambiente (MMA) asinaron o 3 de outubro de 2006 un Convenio para a posta en marcha dunha Estratexia Común para a Preservación da Biodiversidade, co obxecto de impulsar a posta en marcha dunha serie de actuacións precisas para unha integración equilibrada dos factores sociais, económicos e ambientais, destinadas a alcanzar un uso sostenible dos recursos e a preservación da biodiversidade no ámbito das Administracións Locais.
Así mesmo, a Fundación Biodiversidade (FB) e a FEMP asinaron o 21 de decembro de 2006 un Convenio para a creación de la "Red de Gobiernos Locales Biodiversidad 2010" e a posta en marcha do concurso de incentivos ao incremento da biodiversidade entre os integrantes da Rede.
Neste marco, as tres entidades firmantes destes Convenios convocaron o "I Concurso de proyectos para el incremento de la biodiversidad" no ano 2007.
O concello de Nigrán presentou a este concurso o proxecto titulado "Restauración do ecosistema dunar nas praias de Panxón e Praia América Nigrán (Pontevedra)". Os traballos presentados no proxecto, ademais de pretender reforzar e dar continuidade ás tarefas xa iniciadas polo Ministerio de Medio Ambiente no ano 2005, pretenden ademais buscar novas oportunidades para divulgar, preservar e recuperar o espazo de actuación. Propóñense principalmente tres grupos de actividades: Preservar e recuperar os hábitat asociados ás costas arenosas atlánticas, Sensibilización e educación ambiental, Ampliación da protección a novos espazos limítrofes como a restauración ambiental da desembocadura dos ríos Muíños e Negro.
Algúns dos obxectivos que se perseguen con este proxecto son o establecemento, a curto prazo, dunha figura de protección recoñecida a nivel rexional "Espacio Natural de Interés Local"; concienciar, sensibilizar e educar á poboación local e recuperar a biodiversidade da flora en términos cuantitativos e cualitativos respecto de os existentes fai 50 anos.
O proxecto premiado no que colaboran a Consellería de Innovación, Industria e Comercio da Xunta de Galicia e a Demarcación de Costas de Galicia da dirección Xeral de Costas do Ministerio de Medio Ambiente e elaborado por Francisco Javier García Quinteiro (Biólogo), Mª Mercedes Calvo Eiroa (Bióloga), Ana Murillo Castro (Técnico en Xestión e Organización de Recursos Naturais e Paisaxísticos) e Juan Hermida (Biólogo) presupuestado en 127.275,47€ presenta un amplo dossier de planos de actuación, de distribución xeográfica de especies e fotográfico e contará coa xestión da Fundación Biodiversidade para o seu financiamento íntegra.
O recoñecemento destes traballos supón un estímulo para o Departamento de Medio Ambiente do Concello de Nigrán que emprendeu nos primeiros meses do seu andadura diversas iniciativas encamiñadas na procura da compatibilidad do progreso coa conservación e respecto ao Medio Ambiente nunha estratexia global encamiñada ao desarrolo sostenible do municipio.
Canais 
...
Escrito por: PEPA A LOBA (Invitado) o 28-02-2008