A necesidade agudiza o enxeño. Desde tempos remotos, o ser humano fixo uso desa creatividade buscando o mellor xeito de rendibilizar o seu traballo con ferramentas que faciliten as situacións da vida diaria.

Dous dos inventos máis prácticos, especialmente no apartado doméstico, foron a lavadora e a aspiradora, que inauguraban en 1901 un século de revolucionarias invencións que se converteron nos imprescindibles da actividade diaria.