Indignación do Clube de Baloncesto de Baiona ao ter que trasladar os encontros da Copa de Galicia ao concello veciño de Nigrán logo de que a concellalía de Deportes de Baiona organizase un encontro deportivo "a última hora e sen contar con ninguén". O encontro tivo que celebrarse no pabillón de deportes de Panxón xa que as pistas deportivas estaban opcupadas cun torneo de fultbol sala entre bandas de música.

Segundo a nota publicada polo clube, os encontros da Copa Galicia que onte deberían disputar os cadetes e juniors masculinos en Baiona correspondentes á volta de cuartos de final da competición autonómica, víronse obrigados a disputarse no Pabillón Municipal de Nigrán debido a que a Concellalía de Deportes de Baiona, aínda sabendo destes dous partidos fixados dende o 18 de Abril, decidiu organizar un torneo de futbol sala de bandas de música "a última hora e sen contar con ninguén," obrigando deste xeito ao clube "a xogar como visitantes nuns encontros de gran importancia para os nosos mozos".

Duras críticas do BNG
O clube, pais e nais dos rapaces mostraron a súa indignación, decepción, e amosáronse disgustados ante este "desprezo" por parte do seu propio concello. "Se o noso propio Concello non nos protexe en competicións onde o nome de Baiona pronúnciase a nivel autonómico, de pouco serve o que se poida estar traballando e conseguindo por esta entidade."

O clube pregunta públicamente ao concello se "necesita máis probas do traballo desenvolvido por este clube" cousa que consideran "xa comeza a ser complicada, e máxime cando con situacións como esta quítanche as ganas de organizar nada."

O portavoz do BNG Xose Enrique foi máis duro nas críticas, e non dubidou en tildar á concelleira de deportes Mª Jesús de "verdadeiro floreiro" asegurando que "é especialista en crear problemas onde non existen".

Segundo o Bloque "Cando non se traballa con interese, cando se ocupa un posto de responsabilidade e non se sabe estar, cando a ineptitude e a tónica habitual, o resultado non tarda en sair á luz."
O BNG asegura que a concellala de deportes "non foi quen de resolver a papeleta máis que votando fóra a este clube, tendo que buscarse eles mesmos a vida".

A concellalía de deportes comprometeu o encontro de fultbol sala "sen preguntar si o pabillon de deportes municipal estaría valeiro para estas datas".

O portavoz do BNG pide ao alcalde "que tome nota de estos atropelos e tome as medidas oportunas, sabedor da falla de capacidade do seu grupo."

Victoria para o Anfaco Baiona
O encontro rematou coa vistoria do equipo Anfaco Baiona por dez puntos ao equipo rival da Compañía de María Coruña.
O clube de baloncesto agradeceu a colaboración do Concello de Nigrán e do C. B. Airexa Nigrán por permitir e facer un oco no pabillón de deportes, pedin desculpas a xogadores, pais e afeccionados por este feito.