Con motivo do recentemente celebrado día mundial do Medio Ambiente, a concellería de Medio Ambiente do Concello de Nigrán en colaboración co IES Val Miñor e o Centro Comercial “Siglo XXI” de A Ramallosa organiza para o próximo fin de seman unhas xornadas de sensiblización medioambiental. As xornadas incluen a proxección do documental "Tierra, la película" da BBC

Programa: 

Dende o venres 13 ó domingo 15, no interior do Centro Comercial instalarase unha exposición titulada “Areas do mar que viaxan no vento”. Esta exposición consta de 12 paneis onde se explica a dinámica, función, flora e fauna dos areais do Concello de Nigrán. Asimesmo amósase a evolución dos areais dende a década dos 50 ata a actualidade. 

O sábado 14 ás 11 da mañá, nunha das sás do cine do Centro Comercial, un grupo de alumnos de ESO do IES Val Miñor presentarán os resultados do “programa de vixiancia e limpeza da praia”. Esta actividade encádrase nun labor de investigación que se ven desenvolvendo nos últimos anos e que ten por obxetivo promover a conciencia pública sobre un problema crecente que é o lixo mariño. Entre os resultados máis sorprendentes deste estudio destaca a signnificativa cantidade de lixo que contén o mar e os microfragmentos dos residuos que mesmo poden incorporarse á cadea trófica e ser inxeridas polo home. 

Ás 11:45, depois da exposición dos alumnos, proxectarase a película–documental “TIERRA, la película de nuestro planeta”, elaborada pola BBC e recente éxito de taquilla, pola calidade das súas imaxes e contidos.