O PSOE de Baiona contesta ás declaracións do alcalde de Baiona, Jesús Almuiña, referente aos verquidos de augas fecais do pasado fin de semán en Baiona, e o acusa de non querer asumir as súas responsabilidades.

Os verquidos producidos a semán pasada por un fallo eléctrico na estación de bombeo sita no Camiño das Monxas provocou que as augas fecais estivesen saindo ó esteiro do Miñor, unha zoa protexida en Rede Natura 2000 e que está pechada ao marisqueo por mor da contaminación dos deficientes servizos de depuración canalización de augas fecais.

Arturo Pereira asegura no seu comunicado que o alcalde nunca ten competencias para asolución dos problemas do municipio, "Xa non só o dí o PSOE de Baiona, el mesmo recoñéces como incompetente"

O PSOE manifesta que esta é a mesma estratexia que adoita o alcalde en todos os problemas que adoecen no municipio "sumindo a Baiona nun total abandono".

Arturo Pereira sinala a parroquia de Sabarís está abandoada polo concello, e os veciños presentan continuas queixas referentes á limpeza viaria de camiños e cunetas, e o servizo de recollida do lixo, defendendo a postura do propio partido que asegura "vén denunciando estes problemas en todo o Concello desde fai tempo".

Finalmente, o PSdeG-PSOE de Baiona recorda ao Alcalde e ao seu equipo que "o seu deber é solucionar os problemas dos baioneses e non buscar continuamente escusas ante os mesmos, nin moito menos crealos como sucede estes días nas praias de Baiona" .