| Escrito por Redaccion,
o 12-08-2008
|
Visitas : 1002 |
O Centro Cultural e Social de Baiña coa colaboración da Comunidade de Montes da parroquia traballan conxuntamente para recuperar o proxecto de acondicionamento das pistas deportivas que se atopan nas súas proximidades e que suporán un importante incentivo para a xuventude de Baiña. Estas instalacións atópanse en terreos comunais que no seu día foron cedidos para o disfrute dos veciños, pero nestes momentos presentan un estado de abandono e desuso.
A Directiva do Centro Cultural púxose en contacto co Concello de Baiona para expor o proxecto de acondicionamento do lugar. Así, e examinado o proxecto, o Concello comprometeuse a investir o necesario para construir unha grada con vestuarios e recuperar a zona deportiva que agora se atopa en desuso. Debido a que xa ten pasado un considerable tempo desde estas conversas e ata o de agora non se ten avanzado na execución do proxecto, membros do Centro Cultural e Social e da Comunidade de Montes voltarán a presentar o proxecto no Concello coa intención de concretar unha data e prazos para a súa execución.
|
|
|
 |
|
|
|
|
|
