Escoitar
este artigo

As Concellerías de Turismo e Cultura, organizaron conxuntamente durante os meses de xullo e agosto rutas culturais e naturais para dar a coñecer a veciños e visitantes o extenso patrimonio cultural e natural de Nigrán. O vindeiro mércores 3 de setembro terá lugar a última destas rutas, que discorrerá pola Foz do Miñor.

Farase un percorrido guiado por membros do Instituto de Estudos Miñoranos, onde se visitará a Marisma da Foz do Miñor, a Ponte Románica da Ramallosa, o Cruceiro e o Pazo das Pías na Ramallosa. A saída realizarase dende a Praza do Concello as 17:30. Recoméndase os interesados en participar que fagan uso dos seus coches particulares para desprazarse dende a Praza do Concello ata A Ramallosa.

Máis información nas Oficinas de Turismo ou no 986. 368. 734.

---

Compartir esta noticia: