Escoitar
este artigo

A palista viguesa Antía Loira e o Club Piragüismo Val Miñor-Frioya de Nigrán xa teñen reservada unha páxina na historia do piragüismo galego.
Desde o pasado luns a nova promesa do eslalon galego está concentrada no Centro Nacional de Tecnificación de Slalom da Seu d´Urgell en Lleida, onde palistas cataláns e vascos serán os seus compañeiros de adestramento. 

É a primeira vez que un deportista galego é seleccionado polos técnicos da federación para incorporarse ao plan nacional de tecnificación da modalidade olímpica de eslalon baixo a cobertura do CSD. Antía Loira é cadete de primeiro ano e iniciouse e formouse como deportista no club nigranés.

Loira conseguiu decenas de medallas, pero foi esta tempada, no salto á categoría cadete, cando se confirmou como a mellor palista galega de eslalon e a mellor cadete de primeiro ano de España.

Continúa no Correo Gallego

---

Compartir esta noticia: