Escoitar
este artigo

As tres linguas históricas de España xa teñen versión do sistema operativo de Microsoft Windows XP. A descarga do ficheiro que traduce o XP ao galego é gratuíto e pódese descargar dende a propia web de Microsoft.

Agora poderá contar co Windows XP en galego, sen custos adicionais. Abonda con instalar unha aplicación denominada "Paquete de interface en galego" (Galician Interface Pack), ou o que vén sendo o mesmo: unha aplicación que se instala sobre WINDOWS XP Professional ou Home Edition e cambia a súa interface de usuario para que dispoña do Windows XP en galego.

¿Cómo conseguilo?

• Prema aquí para descargalo.
• Ou pode acudir ao seu distribuidor habitual e pedir un CD.

Consideracións técnicas:

• O Language Interface Pack debe instalarse só sobre o Windows XP Professional ou Home Edition na súa versión en castelán. NON se instalará sobre o Windows XP Professional ou Home Edition noutro idioma diferente do castelán.
• Unha vez instalado, pode desinstalarse desde o Panel de control, Engadir ou eliminar programas, obtendo de novo o Windows XP en castelán.
• Non todos os elementos da interface de usuario están localizados. Algúns compoñentes permanecerán no idioma base do sistema operativo despois da instalación do Galician Interface Pack. O Galician Interface Pack non se aplica a algúns compoñentes do sistema operativo, como os seguintes exemplos:
  • MSN Explorer
  • Os xogos en Internet
  • NetMeeting
  • Porcións do asistente de conexión a Internet
  • HyperTerminal
  • Compoñentes de usuario e opcións de configuración avanzados (MMC, ferramentas administrativas, o Xestor de dispositivos).
  • Activación de Windows
• Para instalalo, simplemente execute o ficheiro LIPSetup.msi unha vez descargado no PC ou insira o CD que obtivo do seu distribuidor habitual na unidade de CD do seu PC.

---

Compartir esta noticia: