O INSTITUTO DE ESTUDIOS MI�ORANOS continua coas súas xeiras de visitas guiadas. Nesta ocasión realizaremos, en colaboración coa Concellería de Cultura, un paseo polo Casco histórico da Vila de Baiona.

O visita celebrarase o xoves 19 de agosto. O punto de encontro de todas aquelas persoas interesadas en participar será, ás 18 h., na praza do Concello de Baiona. A visita guíada é gratuíta para todo o mundo.

A visita será guiada polos membros do Instituto de Estudios Miñoranos (IEM) Xosé Lois Vilar Pedreira e Carlos Méixome Quinteiro que informaran aos asistentes sobre algunhas particularidades dalgúns dos edificios e lugares máis significativos da Vila que serán obxecto de visita, entre os que podemos citar o mesmo edificio da casa do Concello, a Igrexa da Misericordia, o convento das Dominicas, o vello Hospital e actual Biblioteca ou o Cruceiro da Santísima Trinidad, entre outros.

Ao marxe desta visita quedarán tanto a Colexiata como Santa Liberata que serán obxecto dunha visita máis demorada.