Chegou a hora da verdade. Logo de catro anos de esforzo coa meta olímpica como fondo, os galegos e galegas encadradas nas diferentes seleccións españolas terán que dar o máximo deles� e recibir o máximo de nós.

Ao longo da historia, dende os Xogos de Antuerpe en 1920, os galegos conseguiron sete medallas, cinco pratas e dous bronces. Quizais as pistas gregas, ou o lago de Squinias, vexan o primeiro ouro para o noso país. Ou quizais a primeira medalla para unha galega. Ou talvez se consiga o primeiro metal nas probas individuais.

Estes son os homes e mulleres galegos que están competindo nas Olimpíadas de Atenas 2004. Dominan neles os deportes acuáticos (vela, remo e piragüismo), pero tamén hai boa representación do atletismo ou do triatlón.

- María Abel (Atletismo)
- Alfredo Bea (Piragüismo)
- Chuni Bermúdez (Vela)
- Daniel Brage (Piragüismo)
- David Cal (Piragüismo)
- Xesús Carballo (Ximnasia)
- Fernando Echavarri (Vela)
- Antón Garrote (Vela)
- David Gómez (Atletismo)
- Xesús González (Remo)
- Xovino González (Piragüismo)
- Xosé Antonio Hermida (Ciclismo de montaña)
- Pilar Hidalgo (Triatlón)
- Carlos Loriente (Remo)
- David Mascato (Piragüismo)
- Antón Paz (Vela)
- Santi Pérez (Atletismo)
- Carlos Pérez Rial (Piragüismo)
- Tareixa Portela (Piragüismo)
- Iván Raña (Triatlón)
- Vicente Rodriguez (Básquet)
- Xoán Zunzunegui (Remo)

Se queredes mais información sobre as olimpiadas en xeral e sobre a participación galega en particular, podedes consultar http://www.g-olimpica.com/