A concellalía de Turismo que dirixe Aurora Carbajal, oferta aos veciños e visitantes de Nigrán, un programa de sendeirismo.

O obxectivo desta iniciativa é promocionar o interior do município e o ecoturismo. Ademais, posibilitar o coñecemento do patrimonio petroglífico, cultural, artístico e turístico. As actividades desenvolveranse cada quince dias, como xa se fixo ao longo de todo o ano.

As próximas rotas realizaranse os dias 27 (para nenos) e 28 (para adultos).

Na primeira delas, baixo o título «El bosque encantado», poderán participar os maiores de 8 anos e os menores, acompañados dun adulto. Realizarase a ruta de Monteferro. A saída está prevista ás 10.00 horas, durará tres horas e é necesario levar botas.

A proposta do domingo é unha saída micolóxica, unha introducción ao mundo dos cogumelos. Os asistentes tomarán a saída ás dez na secretaria de turismo das Dunas de Gaifar.