As pólizas dos seguros dos automóviles en Pontevedra seguen sendo as máis caras de España, segundo datos do presidente do coléxio de mediadores de seguros titulados, José Manuel Rodríguez, que atribuiu esta excepcional carestía á alta siniestralidade rexistada nas estradas da província, concentrada, á sua vez, nos fins de semana. Segundo a sua versión, a contratación dun seguro estándar na província de Pontevedra pode chegar a custar o duplo que en outras zonas de España, como a comunidade castelána. Se o dun Seat Ibiza básico costa uns 540 euros, en províncias de Castela a tarifa é un 50% mais baixa.

Seguranza activa e pasiva

Con todo, o presidente do coléxio de mediadores afirma que a tendéncia desde fai dous anos é unha baixada paulatina dos prezos de seguros, precisamente porque o número e a gravidade dos acidentes foi-se reducindo grazas á mellora dos sistemas de seguranza dos veículos. Entre estes, o perito destaca os sistemas antibloqueo de freos, o controlo de estabilidade dos veículos e os controlos de tracción e antiderrapaje. Entre os sistemas pasivos, sobresai o reforzamento do habitáculo en pontos chante e a absorción de enerxia dos posíbeis impactos.