O vindeiro mércores día 6 de xullo, ás 20:30 horas na libraría LIBRAIDA, sita na rúa Rosalía de Castro, 13.

Interveñen no acto:

• Antón Mascato: Director de Edicións do Cumio e colaborador neste número de ENCLAVE.
• Quico Paz Antón: Membro do Consello de Redacción da revista ENCLAVE e deputado polo BNG no Parlamento galego.
• Xoán Báscuas: Membro do Padroado da Fundación Enclave e membro da Executiva Nacional do BNG.

O novo número da nosa publicación ENCLAVE, que fai xa a número 13, pivota sobre tres eixes. Europa, a Reforma dos Estatutos de Autonomía e unha débeda. Hai dous anos, cando tiñamos prevista a edición dun especial dedicado ao 40 aniversario da fundación do PSG, unha maré negra pasou por riba de todos nós. Obrigounos a mudar o contido previsto e abordar de urxencia e monograficamente os efectos, as causas e as consecuencias daqueles días de vértixe. Agora, por fin, podemos presentarche o especial prometido. Unha reflexión dos que foron diferentes protagonistas sobre o que foi o PSG, por que foi e por que non foi.