Escoitar
este artigo

Apertura da exposición â??Os nomes do marâ?? Fotos aéreas cos nomes sobreimpresionados, ortofotos, fotos históricas e temáticas,  conferencias e maquetas de embarcacións forman parte desta exposición que permanecerá  aberta entre o 19 e o 26 de xullo na Capitanía Marítima de Baiona O Instituto de Estudos Miñoranos (IEM) inaugura o martes 19 de xullo a exposición â??Os nomes do marâ?? nas instalacións da Capitanía Marítima de Baiona (rúa Elduayen).

Unha das riquezas máis desatendidas do noso patrimonio inmaterial é a toponimia e dentro dela a costeira. Os nomes das pedras, dos fondos e das superficies figuran recollidos en escaso número nas cartas náuticas e nos derroteiros, pero a inmensa maioría dos mesmos só se conservaba na memoria dos vellos mariñeiros. Consciente desta realidade e ante a ameaza real de perda dun valioso patrimonio cultural é polo que un equipo de traballo do Instituto de Estudos Miñoranos, dirixido polos arqueólogos Xosé Lois Vilar Pedreira e Roberto Rodríguez �lvarez, leva dous anos e medio traballando na recollida da toponimia costeira desde a desembocadura do río Miño, na parroquia de Salcidos (A Guarda) ate a Punta do Caranquexo, na de Panxón (Nigrán).

            A exposición consiste en 70 fotos aéreas cedidas polas Confrarías dâ??A Guarda e Baiona nas que van sobreimpresionados os 1.400 nomes recollidos nestes preto de 60 quilometros de costa. Tamén se expoñerán ortofotos confeccionadas polo SITGA a partir da base de datos fornecida polo IEM, así como fotos temáticas e históricas e a colección de maquetas de embarcacións de baixura e altura da nosa costa realizadas por Manuel Castro Ratel

            A exposición inaugúrase o martes día 19 ás 20:30h cunha conferencia do profesor de Filoloxía Galega da Universidade de Vigo, membro da Comisión de Toponimia de Galicia, narrador e poeta Gonzalo Navaza sobre â??A toponimia e o marâ??.

O xoves día 21 tamén ás 20:30h. Francisco Díaz Guerrero disertará sobre â??Os naufraxios no mar de Baionaâ??. O conferenciante vén de publicar Naufraxios do mar de Vigo (Ed. Xerais) e  é membro da World Ship Society.

O martes 26 ás 20:30h o doutor en Xeografía e especialista en cartografía antiga de Galicia, Gonzalo Méndez falará sobre â??Cartas náuticasâ??.

A exposición permanecerá aberta ate o martes día 26 e poderá ser visitada entre 18h e 21h e o sábado (23), domingo (24) e luns (25) tamén entre as 12 e 14h.

            O Instituto de Estudos Miñoranos quere salientar que esta exposición non sería posible sen a testemuña oral de mariñeiros, argaceiras e percebeiros das costas dos concellos de A Guarda, Santa María de Oia, Baiona e Nigrán que dedicaron moitas das súas horas a informarnos desta tradición oral da que son portadores e a ofrecernos unha memoria toponímica que leva camiño da desaparecer ante o predominio das novas técnicas da localización como o GPS ou o radar.

A realización desta exposición non sería posible sen a colaboración da Capitanía Marítima de Baiona, da Concellería de Cultura de Baiona, do Servicio de Información Territorial de Galicia (SITGA), da Capitanía Marítima dâ??A Guarda e das Confrarías de Baiona e A Guarda

---

Compartir esta noticia: