Segunda xeira do Instituto de Estudos Miñoranos

O próximo mércores 20 de xullo realizarase a segunda das visitas-guíadas ou xeiras organizadas polo Instituto de Estudos Miñoranos. Nesta ocasión trátase dun percorrido polo elemento xeográfico e morfolóxico máis significativo da Vila de Baiona, a Península de Monte do Boi.

A visita realizarase atendendo a dous aspectos: o histórico e patrimonial, que será comentado polo arqueólogo Xosé Lois Vilar Pedreira, director da sección de Prehistoria e Arqueoloxía do Instituto de Estudos Miñoranos, e o botánico, dado o especial interese da flora de beira mar que alí se concentra. Este segundo aspecto será comentado polo botánico Xosé Ramón García Martínez.

A visita comezará ás 18 horas (seis da tarde) e o punto de encontro será ao pé do Monumento a Afonso VIII, na entrada do Parador de Turismo.

Lembramos tamén que nos locais da Capitanía Marítima de Baiona continúa aberta a exposición â??Os nomes do marâ??  organizada polo Instituto de Estudos Miñoranos, e que o xoves día 21, no ámbito desta exposición, ás 20:30, pronunciara unha conferencia Francisco Díaz Guerrero sobre â??Os naufraxios no mar de Baionaâ??.

AS XEIRAS Verán 2005 DO IEM

Todas as saídas ás 18 h.

*As saídas indicadas, especialmente a da serra do Galiñeiro, teñen unha certa dificultade física.

Organiza:IEM

Colabora: Cultura Gondomar e Cultura Baiona.