O martes 15 o club de lectura Sete Vidas, organizado pola asociación Espazo Lectura, celebra o seu encontro do mes de xaneiro para falar da novela Dark Butterfly (Xerais 2012) da escritora miñorana Rexina Vega.
A partir das 20:00 horas, na biblioteca municipal de Gondomar, os lectores e lectoras da novela porán en común as súas impresións sobre a obra e, a partir das 21:00h, a propia autora Rexina Vega unirase ao faladoiro para conversar coas persoas que se animen a participar na actividade.
